Ханбогд, Гурвантэст өндөржүүлсэн бэлэн байдал зарлалаа

Нийтэлсэн: Админ 2020-02-10 13:37:00

Гашуунсухайт боомттой хиллэдэг БНХАУ-ын Халиут хотод коронавирусийн хоёр тохиолдол батлагдсан. Иймд тус боомттой ойролцоох Өмнөговь аймгийн Ханбогд, Гурвантэс суманд гамшгаас хамгаалах өндөржүүлсэн бэлэн байдал зарлажээ.

Өмнөговь аймгийн Засаг даргын өчигдөр /2020.02.09/ гаргасан захирамжийн дагуу ийнхүү коронавирусийн халдварын болзошгүй эрсдэлээс урьдчилан сэргийлэх арга хэмжээг аваад байгаа аж. Энэ хүрээнд үйлчилгээний байгууллагуудад амны хаалтгүй иргэдэд үйлчлэхгүй байхыг анхааруулжээ.