Загварын долоо хоногоор эхэлсэн “Гоёл 2012” наадам өчигдөр шилдгүүдээ тодрууллаа. Тэртээ 1988 оноос эхлэн гараагаа эхэлж байсан энэхүү наадам жил ирэх тусам хүрээгээ тэлж, энэ удаад олон улсын түвшинд хийгдсэнээрээ тун онцлогтой болсон юм.  Түүнчлэн fashion TV-гээр сарын хугацаанд Монголын загварынхан алхална гэдэг  гайхалтай. Жил бүрийн “Гоёл”-ын топууд ямагт олны анхаарлыг татдаг. Тиймдээ ч “Гоёл”-оос урьтан топын таавар хүртэл хэсэгтээ л үргэлжилдэг дээ. Урьдчилсан таамгаар өмнөх жилийн шилдэг загвар өмсөгч Гэрэлчулуун, Оюунгэрэл, Бадамгэрэл, Пүрэвдулам нарын моделиудын нэр дурдагдаж байсан  юм.  Харин “Гоёл 2012” наадмын 13 дахь топ моделиор Шилмэл загвар компанийн загвар өмсөгч Ч.Ундрах шалгарчээ. Тэрээр олон жил загвар өмсөж байгаа нэгэн. Тиймдээ ч ойр тойрныхон нь оролдлого сайт оройд нь гардагийн жишээг харууллаа хэмээн дүгнэсэн гэнэ шүү.